अमेरिकामा भएको सवारी दुर्घटनामा तीन नेपालीको मृत्यु, बुवा, आमासहित छोरीको ज्यान गयो

काठमाडौं– अमेरिकामा भएको सवारी दुर्घटनामा तीन जना नेपालीको ज्यान गएको छ । अमेरिकाको मिजुरी राज्यमा भएको सवारी दुर्घटनामा उनीहरुको मृत्यु भएको हो ।

जोप्लिन प्रहरीका अनुसार मृत्यु हुनेमा गोविन्द खनाल, पत्नी शान्ता खनाल र उनीहरुका छोरी श्रद्धा खनाल ओझा रहेका छन् ।

घटनामा दुई जना घाइते भएका छन् । जसमध्ये श्रद्धाका पति प्रभास ओझाको अवस्था स्थिर रहेको छ भने उनीहरुकी ४ वर्षीय छोरीको अवस्था चिन्ताजनक रहेको छ ।

मिजुरी २४९ को अन्तरराज्य राजमार्ग ४४ पूर्व जाने क्रममा ट्राफिक लाइटमा रोकिएको उनीहरुको सवारीलाई पछाडिबाट आइरहेको पिकअप ट्रकले ठक्कर दिएको थियो ।

अन्य समाचार

कृषि मन्त्री चक्रपाणी खनालमा डेंगुको संक्रमण, ग्राण्डीमा उपचार हुँदै

काठमाडौं– कृषि तथा पशुपंक्षी विकास मन्त्री चक्रपाणी खनालमा डेंगुको संक्रमण देखिएको छ । शुक्रबार हेटौंडाबाट फर्किएका खनाल ज्वरो आएपछि अस्पताल पुगेका थिए ।

ज्वरो आउने, टाउको दुख्ने समस्या देखिएपछि मन्त्री खनाल निदान हस्पिटल पुगेका थिए ।

निदान हस्पिटलले डेंगु भएको आशंकामा मन्त्री खनाललाई टेकुस्थित शुक्रराज ट्रपिकल तथा सरुवा रोग अस्पतालमा रेफर गरेको थियो ।
शुक्रराज अस्पतालमा रगत परीक्षण गराउँदा डेंगु भएको पुष्टी भएको मन्त्री खनालको निजी सचिवालयले जनाएको छ ।

मन्त्री खनाललाई हिजो (बुधबार)देखि ग्राण्डी अस्पतालमा भर्ना गरी स्वास्थ्य उपचार शुरु गरिएको जनाइएको छ ।

अहिले देशभर डेंगुको प्रकोप बढ्दै गएको छ । गत बैशाखमा सुनसरीबाट फैलिएको डेंगु हाल देशभरका ४८ जिल्लामा डेंगु फैलिएको छ ।

साउनदेखि यता मात्रै २५ सय ५९ जनामा डेंगु भएको इपिडिमियोलोजी तथा रोग नियन्त्रण महाशाखाले जनाएको छ ।

Leave a Reply

Your email address will not be published. Required fields are marked *