जोराको उत्कृष्ट अर्धशतकमा नेपालको बलियो योगफल

एजेन्सी – भारत भ्रमणमा रहेको नेपाली यू१९ क्रिकेट टिमले आन्द्र स्टेट यू१९ क्रिकेट टिमलाई छैटौं अभ्यास खेलमा २ सय ५२ रनको लक्ष्य दिएको छ ।
पहिला ब्याटिङ थालेको नेपाली यू१९ ले निर्धारित ५० ओभरमा ९ विकेटको क्षतिमा २ सय ५१ रन बनायो । नेपालका लागि राष्ट्रिय टिमबाट खेली सकेका सन्दीप जोराले ६७ बलमा ३ छक्का र ४ चौका प्रहार गर्दै ६९ रनको महत्वपूर्ण योगदान दिए ।

त्यस्तै राशिद खानले ४४ बलमा २ छक्का र ३ चौका प्रहार गर्दै ४४ रन जोडे । हरि वहादुर चौहान ३५, शेर मल्ल १७, अभिषेक बस्नते ३५, रित गौतम २२, कप्तान रोहित कुमार पौडेल र पवन सरार्फ भने डक आउट भए ।

स्टेटका लागि आई स्माइलले ४,जोनी बशा २,एसएमडी कामिल,जे दुर्गा कुमार र एम भैरवले समान एक विकेट हात पारे । यस अघका पाँच अभ्यास खेलमा नेपाल ४ खेलमा विजयी हुँदा १ खेलमा पराजित भएको थियो ।
(श्रोत :hamro khelkud)

Leave a Reply

Your email address will not be published. Required fields are marked *